อเภชฺชปริโส มหาราช ตถาคโต เทวทตฺเตน เอกปฺปหารํ ปญฺจ ภิกฺขุสตานิ
ภนฺนานิ ตํ ปน เภทเก วิชฺชมาเน นตฺถิ อเภชฺชํ นาม ฯ เภทเก สติ มาตาปิ
ปุตฺเตน ภิชฺชติ ปุตฺโตปิ มาตุยา ภชฺชติ ปิตาปิ ปุตฺเตน ภิชฺชติ ปุตฺโตปิ ปิตุนา
ภิชฺชติ ภาตาปิ ภคินิยา ภิชฺชติ ภคินีปิ ภาตุนา ภิชฺชติ สหาโยปิ สหาเยน
ภิชฺชติ นาวาปิ นานารุกฺเขหิ สํฆาฏิตา อุมฺมิยา ปหาเรหิ ภิชฺชติ รุกฺโปิ มธุรกปฺโป
ผลาผลพลวเวคาภิหโต ฯ อสาตสนฺนิวาเสน ติตฺติเกน ภิชฺชติ สุวณฺณํปิ ชาตรูปํปิ โลเหน
ภิชฺชติ ฯ อปิจ มหาราช เนโส อธิปฺปาโย วิญฺญูนํ เนโส พุทฺธานํ อธิมุตฺติ เนโส
ปณฺฑิตานํ ฉนฺโท ตถาคโน เภชฺชปริโสติ ฯ อปิจ เอตฺถ การณํ อตฺถิ เยน การเณน
ตถาคโต วุจฺจติ อเภชฺชปริโสติ ฯ กตมํ เอตฺถ การณํ ฯ ตถาคตสฺส มหาราช กเตน
อาทาเนน วา อปฺปิยวจเนน วา อนตฺถจริยาย วา อสมานตฺตตาย วา ยโต กุโตจิ
จริยํ จรนฺตสฺสาปิ ปริสา ปริภินฺนาติ น สุตปุพฺพํ เ ตน วุจฺจติ ตถาคโต
อเภชฺชปริโส ฯ ตยา เจตํ มหาราช ญาตพฺพํ อตฺถิ โกจิ นวงฺเคสุ พุทฺธวจเนสุ อพฺภตฺโถ
สุคตณฺโฐ อพฺภตฺถาคมิ อิมสฺมึ นาม การเณ โพธิสตฺตสฺส กเตน ตถาคตสฺส ปริสา
ภินฺนาติ ฯ นตฺถิ ภนฺเต โน เจตํ โลเก ทิสฺสติ โนปิ สุยฺยติ สาธุ ภนฺเต นาคเสน
ตถา สมฺปฏิจฺฉามีติ ฯ

ตถาคตสฺส อเภชฺชปริสปญฺโห อฏฺฐโม ฯ

ภนฺเต นาคเสน ตุมฺเห ภณถ โย อชานนฺโน ปาณาติปาตํ กโรติ โส
พลวตรํ อปุญฺญํ ปสวตีติ ปุน จ ภควตา วินยปญฺญตฺติยา เอกํ ภณิตํ อนาปตฺติ
อชานนฺตสฺสาติ ฯ ยทิ ภนฺเต นาคเสน อชานนฺเตน ปุคฺคเลน ปาณาติปาโต กโต พลวตรํ
อปุญฺญํ โหติ เตนหิ อนาปตฺติ อชานนฺตสฺสาติ ยํ วจนํ ตํ มิจฺฉา ฯ ยทิ อนาปตฺติ
อชานนฺตสฺส เตนหิ อชานนฺเตน กโต ปาโป ปาณาติปาโต พลวตรํ อปุญฺญํ
โหตีติ ยํ วจนํ ตํ มิจฺฉา อ ยํ อุภดต โกฏิโก ปญฺโห ตวานุปฺปตฺโต ทุรุตฺตโร
ทุปฺปารคามีติ ฯ
ภาสิตมฺปิ เจตํ มหาราช ภควตา โย อชานนฺโต ปาณาติปาตํ กโรติ โสปิ
พลวตรํ อปุญฺญํ ปสวตีติ ปุน จ วินยปญฺญตฺติยา ภควตา ภณิตํ อนาปตฺติ อชานนฺตสฺสาติ
ตตฺถ ปน อตฺถนฺตรํ อตฺถิ ฯ กตเมตฺถ อตฺถนฺตรํ ฯ อตฺถิ มหาราช อาปตฺติโย
สญฺญาวิโมกฺขา อตฺถิ อาปตฺติโย โนสญฺญาวิโมกฺขา ยายํ มหาราช อาปตฺติ สญฺญาวิโมกฺขา